Telugu Song : Nenunnaanu : Cheekatito

:: Ultimate Song ::

పల్లవి:
చీకటి తో వెలుగే చెప్పెను నేనున్నానని,
ఓటమి తో గెలుపే చెప్పెను నేనున్నానని......
నేనున్నాననీ......నీకేం కాదని,
నిన్నటి రాతని మార్చేస్తానని........

చరణం:
తగిలే రాళ్ళను పునాది చేసి ఎదగాలని,
తరిమే వాళ్ళను హితులుగ తలచి ముందుకెళ్ళాలని .....
కన్నుల నీటిని కలల సాగుకై వాడుకోవాలని,
కాల్చే నిప్పుని ప్రమిదగ మలచి కాంతి పంచాలని
గుండెతో ధైర్యం చెప్పెను,
ప్రశ్నతో బదులే చెప్పెను,
అడుగుతో గమ్యం చెప్పెను నేనున్నానని
నేనున్నాననీ......నీకేం కాదని,
నిన్నటి రాతని మార్చేస్తానని........

చరణం:
ఎవ్వరు లేని ఒంటరి జీవికి తోడు దొరికిందని
అందరు ఉన్నా ఆప్తుడు నువ్వై చేరువయ్యావని
జన్మకు తరగని అనురాగాన్ని పంచుతున్నావని
జన్మలు చాలని అనుబంధాన్ని పెంచుతున్నావని
శ్వాసతో శ్వాసే చెప్పెను
మనసుతో మనసే చెప్పెను
ప్రశ్న తో బదులే చెప్పెను నేనున్నానని
నేనున్నానని నీకేం కాదని
నిన్నటి రాతని మార్చేస్తానని

చిత్రం : నేనున్నాను
సాహిత్యం : చంద్రబోస్
సంగీతం : M .M .కీరవాణి
గానం : ఎం. ఎం. .కీరవాణి , సునీత

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥