Telugu Movie Song : Gharshana : Nanne Nanne

చెలిమను పరిమళం మనిషికితొలి వరం 

బ్రతుకున అతిశయం వలపను చినుకులే
ఇరువురి పరిచయం తెలియని పరవశం 
తొలి తొలి అనుభవం పరువపు పరుగులే  

పల్లవి:
నన్నే నన్నే చూస్తూ నా గుండెల్లో గుచ్చేస్తూ 
నువ్వేదో ఏదో ఏదో చెయ్యొద్దే 
సోకుల గాలం వేస్తూ నీమాటల్లో ముంచేస్తూ
ఓయమ్మో అమ్మో ప్రాణం తీయొద్దే 
నీకో నిజమే చెప్పనా ... నా మదిలో మాటే చెప్పనా
ఎదలో ఏదో తుంటరి థిల్లానా 
నాలో ఏదో అల్లరి … అది నిన్నా మొన్నా లేనిది 
మరి ప్రేమో ఏమో ఒకటే హైరానా ...! 

చరణం:
ఇదివరకెరగని స్వరములు పలికెను పగడపు జిలుగుల పెదాల వీణ
బిడియములెరుగని గడసరి సొగసుకు తమకములెగసెను నరాలలోన హా.. లోన
ఏమైందో ఏమిటో … ప్రేమైందో ఏమిటో నా వాటం మొత్తం ఎంతోమారింది
ఈ మైకం ఏమిటో … ఈ తాపం ఏమిటో నా ప్రాయం మాత్రం నిన్నే కోరింది

నన్నే నన్నే మార్చి నీ మాటల్తో ఏమార్చి ప్రేమించే ధైర్యం నాలో పెంచావో
కన్ను కన్ను చేర్చి నా కల్లోకే నువ్వొచ్చి ఏకంగా బరిలొకే దించావో.... 

చరణం: 
మనసున అలజడి వలపని తెలిపిన జిలిబిలి పలుకుల చలాకి మైనా
కలలను నిజముగ ఎదురుగ నిలిపిన వరముగ దొరికిన వయ్యారి జాణ 
ఈ లోకం కొత్తగా వుందయ్యో బొత్తిగా భూలోకం కూడా నేడే పుట్టింది
నీవల్లే ఇంతగా మారాలే వింతగా నువ్వంటే నాకు పిచ్చే పట్టింది 

నన్నే నన్నే చూస్తూ నా గుండెల్లో గుచ్చేస్తూ 
నువ్వేదో ఏదో ఏదో చెయ్యొద్దే చూపుల గాలం వేస్తూ 
నీమాటల్లో ముంచేస్తూ ఓయమ్మో అమ్మో ప్రాణం తీయొద్దే 

చిత్రం: ఘర్షణ 
సాహిత్యం : కుల శేఖర్ 
సంగీతం: హారిస్ జయరాజ్
గానం : టిప్పు , శాలినీ